Almatyda 288 mektepke deıingi tárbıe mekemeleri bar - Bilim basqarmasynyń bastyǵy
ALMATY. 17 tamyz. QazAqparat - Almatyda bıyl 340 oryndyq 5 balabaqsha ashyldy. Bul týraly búgin «Bilim berý júıesin jańǵyrtý - adamı kapıtaldyń sapaly ósýiniń basty baǵyty» degen taqyryppen ótken bilim berý qyzmetkerleriniń tamyz keńesinde aıtyldy.
«Almaty - respýblıkada eń úlken bilim berý júıesine ıe. Qalada 288 mektepke deıingi mekeme bar. Onyń 149-y memlekettik, 79-y memlekettik emes balabaqshalar. Sońǵy 2 jylda balalardy balabaqshamen qamtý 10,5 paıyzǵa ulǵaıyp 3-6 jastaǵy balalar 60,2 paıyzǵa jetti», - dedi qalalyq Bilim basqarmasynyń bastyǵy Rahat Shılmasheva.
Bıyl «Balapan» memlekettik baǵdarlamasy boıynsha 3 balabaqsha men eski ǵımarattardyń ornyna 6 ǵımarat salyndy. 1 balabaqsha kommýnaldyq menshikke qaıtaryldy. 140 oryndyq 3 jekemeshik balabaqsha ashylyp, jalpy sany 1530 oryndy qurady. R. Shılmashevanyń sózine qaraǵanda, ótken jyly 600 oryndyq 3 balalar baqshasy salyndy. 980 oryndyq 5 balabaqsha kommýnaldyq menshikke qaıtaryldy. 715 oryndyq 29 memleketik emes balabaqsha iske qosylǵan edi.
