Almatyda 280 oryndyq 3 balabaqsha ashylady
ALMATY. 1 maýsym. QazAqparat - Búgin Almaty qalasynyń ákimi Ahmetjan Esimov Jetisý jáne Túrksib aýdandaryndaǵy jańadan salynǵan 3 balabaqshanyń jaǵdaıymen tanysty.
Qazaq tilinde tárbıe beretin mektepeke deıingi bul mekemeler 2,5 jas pen 6 jas aralyǵyndaǵy balalardy qabyldaıdy. Olardyń jalpy smetalyq quny - 631 mln. 590 myń teńgeni qurady. Máselen árqaısysy 80 oryndyq № 17 jáne №145 shıpajaılyq úlgide burynǵy eski nysandardyń ornyna salynǵan. Al 120 oryndy № 176 balabaqsha óz tárbıelenýshilerine kelesi aptadan bastap óz esigin aıqara ashatyn bolady. Al jyl aıaǵyna deıin «Qarasý» yqsham aýdanynda 320 oryndy taǵy bir balabaqsha ashylmaq.
