11:21, 11 Tamyz 2022 | GMT +5
Almatyda 28 mektepke oqýshylar avtobýspen tasymaldanbaq - pılottyq joba
ALMATY. QazAqparat - Almatyda pılottyq rejımde qyrkúıek aıynan bastap oqýshylardy mektepke tasymaldaıtyn avtobýstar júrgizý josparlandy. Bul týraly Almaty qalasynyń ákimi Erbolat Dosaev Áýezov aýdanynyń turǵyndarymen kezdesý barysynda aıtty, dep habarlaıdy QazAqparat tilshisi.
Qala ákiminiń aıtýynsha, Almatyda oqýshylardy avtobýstarmen tasymaldaý máselesi tolyq sheshimin tappaı keledi.
«Keshe ǵana osy másele boıynsha kezdesý ótkizdim. Bul - pılottyq joba bolmaq. Ár aýdannan mektepter tańdaldy. Jalpy sany 28 mektepke balalardy tasymaldaý avtobýstaryn júrgizý pılottyq rejımde josparlandy. Barlyǵy oryndy bolsa, baǵdarlamany qyrkúıektiń sońyna deıin qabyldaımyz»,- dedi Erbolat Dosaev.