Almatyda 27 sulýlyq salony ruqsatsyz jumys istep kelgen
ALMATY. QazAqparat - Almatyda qoǵamdyq densaýlyqty saqtaý departamentiniń mamandary sulýlyq salondaryn tekserip, birqatar kemshilikterdi tapty, dep habarlaıdy QazAqparat tilshisi.
2019 jyldyń 1-toqsanynda Almatydaǵy SPA jáne sulýlyq salondary, adamdardyń terisin árleýmen aınalysatyn kosmetologııalyq ortalyqtar, tatý-salondar tekserildi.
Onyń ishinde 7 nysan aýdıtorlyq qorytyndy bolǵandyqtan, tekserýden bosatyldy.
«Tekserý barysynda bir rettik oramaldar, zararsyzdandyrý quralynyń tańbasy, sanıtarlyq toraptarda qol jýý quraldary, ýltrakúlgin sáýleleý quraldarynyń tirkeý jýrnaly bolmaǵan, mamandardyń kıimderi talapqa saı emes, kondıtsıonerler istemeıdi, kúrdeli jóndeý qajet degen sııaqty sanıtarlyq norma talaptary buzylǵany anyqtaldy. Sanıtarlyq epıdemıologııalyq tekserýden soń jalpy somasy 123 myń 250 teńgege 5 aıyppul salyndy, 6 eskertý jazyldy. Bir is materıaldary sotqa berildi», - dedi qalalyq qoǵamdyq densaýlyqty saqtaý departamentiniń jetekshisi Aızat Moldaqasymova.
Tekserý nátıjesinde 27 nysannyń ruqsatsyz jumys istep kelgeni anyqtalǵan.
Almaly aýdanynda - 5 nysan: Túrkebaev, 63 mekenjaıyndaǵy «Manıkıýr plıýs» sulýlyq salony; Tóle bı, 221 mekenjaıyndaǵy «Merýert shokoladka» sulýlyq salony; Dúısenov, 100 mekenjaıyndaǵy «Salıýs plıýs» sulýlyq salony; Turǵyt Ozal - 84 mekenjaıyndaǵy «Afrodıta» sulýlyq salony; Túrkebaev, 92 mekenjaıyndaǵy «Orazgeldi» shashtarazy.
Bostandyq aýdanynda - 2 nysan: Tımırıazev 60 mekenjaıyndaǵy «Qyz Jibek» sulýlyq salony; Brýsılovskıı kóshesi, 247 mekenjaıyndaǵy «Merci» sulýlyq salony.
Jetisý aýdanynda - 3 nysan: Aınabulaq -1, 9 mekenjaıyndaǵy «Darıǵa» sulýlyq salony; Aınabulaq-4, 178; Súıinbaı,2 mekenjaıyndaǵy sulýlyq salondary.
Naýryzbaı aýdanynda - 17 nysan: Qalqaman 2, Seıtmetov, 1 mekenjaıyndaǵy shashtaraz; Shuǵyla shaǵyn aýdany, Jýaly, 99 mekenjaıyndaǵy shashtaraz; Qalqaman shaǵyn aýdany, Áshimov, 10a mekenjaıyndaǵy shashtaraz, Shuǵyla shaǵyn aýdany, Jýaly, 97 mekenjaıyndaǵy shashtaraz; Qalqaman shaǵyn aýdany, Áshimov, 162 mekenjaıyndaǵy shashtaraz; Qalqaman shaǵyn aýdany, Áshimov, 42 mekenjaıyndaǵy shashtaraz; Aqjar shaǵyn aýdany, Ábdildın, 3 mekenjaıyndaǵy shashtaraz; Aqjar shaǵyn aýdany, Aımanov, 40 mekenjaıyndaǵy «Arzý» shashtarazy; Aqjar shaǵyn aýdany, Egensý, 33/2 mekenjaıyndaǵy shashtaraz; Rahat shaǵyn aýdany, Asqarov 21/12 mekenjaıyndaǵy «Luxury» sulýlyq salony; Qalqaman 2, Áshimov 138 mekenjaıyndaǵy «Dıana» sulýlyq salony; Taý samaly shaǵyn aýdany, Groza kóshesi, 64a mekenjaıyndaǵy «ıA prekrasna»sulýlyq salony; Qalqaman 2, Musabaev, 36 mekenjaıyndaǵy «Famous» sulýlyq salony.
Sanıtarlyq dárigerler azamattarǵa kosmetologııalyq qyzmetke júginer aldynda mekemeniń sanıtarlyq ahýalyna mán berý kerektigin eskertedi.
