Almatyda 266 dinı birlestik jumys júrgizýde
ALMATY. Qarashanyń 12-si. QazAqparat /Erlik Erjanuly/ - Almatyda "Kertartpa dinı aǵymdarmen kúresti jetildirý: baǵyttary, jańa ádisteri" dep atalatyn dóńgelek ústel jıyny ótip jatyr,
dep habarlaıdy QazAqparat.
"Jergilikti atqarýshy organdardyń dinı uıymdarmen jumys atqarýdaǵy basty mindetteri - óńirdegi dinı jaǵdaıdy zertteý, taldaý júrgizý. Mıssıonerlerdi eseptik tirkeý jáne qaıta tirkeý, óz quzyretine jatatyn máseleler boıynsha óńirlik deńgeıde aqparattyq-nasıhattyq is-sharalaryn júzege asyrý. Dinı uıymdarmen ózara baılanysty jolǵa qoıý arqyly qoǵamdyq-saıası, dinı ahýaldy baqylaý tetikterin jetildirý. Qazirgi ýaqytta memlekettik organdardyń aldynda turǵan mańyzdy basymdyq kertartpa dinı aǵymdarmen kúresti jetildirý, olardyń áreketinen zardap shegýshilerdi qaıta beıimdeý sharalaryn jandandyrý bolyp otyr. Óıtkeni sońǵy ýaqytta dinı sektalardan zardap shegýlerdiń BAQ betterinde ashyq málimdeýlerge kóptep barýy qoǵamnyń nazaryn aýdarýda", deıdi qalalyq ishki sasat basqarmasynyń bastyǵy Ádil Nesipbaev.
Almatyda qazirgi tańda 266 dinı birlestik jumys jasaıdy. Onyń 204-i - qalalyq ádilet departamentinde, 62-si respýblıkalyq mártebesi boıynsha Ádilet mınıstrliginde tirkelgen. Qalalyq dinı birlestikterdiń 181-i - zańdy tulǵa, 23-i fılıal retinde memlekettik tirkeýden ótken. Qala aýmaǵynda 97 dinı nysan jáne 8 dinı oqý orny bar. Toǵyz aıda sondaı-aq mıssıonerlik qyzmetpen aınalysyp júrgen 80 shet el azamaty tirkeldi.
