Almatyda 26 jastaǵy qyzdyń denesi aryqtan tabyldy
ALMATY. QazAqparat - Almatyda 26 jastaǵy qyzdyń denesi aryqtan tabyldy, dep habarlaıdy QazAqparat tilshisi oqıǵa ornynan.
Boıjetkenniń máıiti Ál-Farabı, 100 mekenjaıyndaǵy ǵımarattyń janyndaǵy aryqtan tabyldy.
«1992 jyly týǵan boıjetkenniń denesinen azaptap óltirý belgileri baıqalmady. Qyzdyń júregi toqtap qalǵan bolýy múmkin. Qyzdyń ólimi naqty neden bolǵanyn sot-medıtsınalyq saraptama anyqtaıdy», - dedi qalalyq ІІD resmı ókili Saltanat Ázirbek.
Oqıǵa kýágerleriniń aıtýynsha, qyz jaqyn aradaǵy turǵyn úılerdiń birinde páter tazalaýshy bolyp jumys jasaǵan.
