Almatyda 26 myń lıtr janarmaıdy zańsyz satqandar anyqtaldy

ALMATY. QazAqparat - Túrksib aýdanyndaǵy 2 janar-jaǵarmaı kuıý beketinde 26 295 lıtr benzınniń zańsyz satylǵany anyqtaldy, dep habarlaıdy QazAqparat tilshisi.

Almaty qalasy Memleketttik kirister departamentiniń málimetinshe, eki janarmaı beketiniń ıesi bir adam. Kásipker «Munaı ónimderiniń jekelegen túrlerin óndirýdi jáne olardyń aınalymyn memlekettik retteý týraly» zańdy buzǵan.
«15 maýsymda bir salyq tóleýshige tıesili eki janarmaı quıý beketinde taqyryptyq salyqtyq tekserý júrgizý barysynda jalpy kólemi 26 295 lıtr mazýt kólemindegi munaı ónimderiniń zańsyz aınalymy anyqtaldy. «Ákimshilik quqyq buzýshylyq týraly» Qazaqstan Respýblıkasy Kodeksiniń 281-babynyń 5-tarmaǵy 8-tarmaqshasy boıynsha ákimshilik jaýapkershilik kózdelgen»,- dep habarlady departamentten.
Qazirgi ýaqytta joǵaryda atalǵan fakti boıynsha sheshim qabyldaý úshin is Almaty qalasynyń sot organdaryna berilmek.