Almatyda 252 nysanda epıdemıologııalyq qaýipsizdik saqtalmaǵan
ALMATY. QazAqparat – Almatyda monıtorıng barysynda 252 nysanda epıedmıologııalyq qaýipsizdik talaptary saqtalmaǵany anyqtaldy. Bul týraly qalanyń bas sanıtarııalyq dárigeri Jandarbek Bekshın aıtty, dep habarlaıdy QazAqparat tilshisi.
Onyń aıtýynsha, qalada epıdemıologııalyq qaýpi joǵary 13,5 myń nysan tirkelgen.
Tekserý barysynda olardyń 252-sinde qaýipsizdik talaptary buzylǵany anyqtaldy.
«Bul barlyq tekserilgen nysandardyń 9,6 paıyzyn quraıdy. Onyń ishinde 152 nysan jumysy toqtatyldy. 133 nysan jumysyn ózdiginen toqtatty. 19 nysan ıesi aýdandyq departament qaýlysymen jumysyn toqtatty. Eń kóp tekserý Áýezov aýdanynda bolǵan. 540 nysannyń jumysy baqylandy. Bostandyq aýdanynda – 377, Jetisý aýdanynda 322 nysan tekserildi. Eń tómengi baqylaý kórsetkishi Túrksib aýdanynda tirkeldi. Munda - 221, Naýryzbaı aýdanynda – 247, Alataý aýdanynda 281 nysan, Medeý aýdanynda 306 nysannyń jumysy tekserilgen», - dedi Jandarbek Bekshın.
