Almatyda 250 mln teńge jymqyrylǵan aýrýhananyń esepshileri jaýapkershilikke tartyldy

ALMATY. QazAqparat - Almatyda 250 mln teńgeni qoldy etti degen kúdikpen №4 aýrýhananyń esepshileriniń ústinnen qylmystyq is qozǵaldy, dep habarlaıdy QazAqparat tilshisi.

Qalalyq sottyń baspasóz qyzmeti habarlaǵandaı, Túrksib aýdandyq sotyna №4 aýrýhananyń býhgalterııasyndaǵy aqsha jymqyrý deregine baılanysty is tústi.

Atalǵan qylmystyq is prokýrorlyq tekserýlerdiń nátıjesinde qozǵalǵan.

Aýrýhanada júrgizilgen revızııa barysynda 250 mln teńgeniń urlanǵany anyqtalǵan. Qarjy 2014, 2015, 2016 jyldary jymqyrylǵan.

Memleket qarjysyn jymqyrdy degen kúdikpen aýrýhananyń úsh esepshisi zań aldynda jaýap berýde. Olarǵa QR QK-niń 189-baby 4-bólimi 2-tarmaǵy boıynsha senip tapsyrylǵan bóten múlikti ıemdenip alý nemese talan-tarajǵa salý, QR QK 241-baby boıynsha býhgalterlik esep pen qarjylyq eseptilik týraly zańnamasyn buzý, QR QK 385-babynyń 2-bólimi boıynsha jalǵan qujattardy qoldan jasady degen aıyp taǵyldy.

Túrksib aýdandyq soty úsh kúdiktini kepilmen bosatý týraly bultartpaý sharasyn qabyldady.

Negizgi sot otyrysy 15 mamyrda bastalady.