Almatyda 250 qart ana qaıyrymdylyq kómek aldy
rat /Názıra Eleýhan/ - Búgin Almatyda alǵash ret «Sanofı-aventıs Qazaqstan» farmatsevtıkalyq kompanııasy Almaty qalasynyń 250-den astam qarttaryna dári-dármekter túrinde qaıyrymdylyq kómek kórsetti,
dep habarlaıdy QazAqparat.
Atalmysh shara «Sanofı-aventıs Qazaqstan» farmatsevtıkalyq kompanııasy men «Mıloserdnye rýkı» uıymynyń jáne Halyqaralyq Áıelder klýbynyń birigip uıymdastyrýymen ótti.
«Jobanyń maqsaty - elimizdegi áleýmettik saıasatty iske asyra otyryp, osy saıasat aıasynda, qalamyzdaǵy jaǵdaılary nashar, qymbat dári-dámekterdi satyp alýǵa múmkindigi joq jalǵyz basty qart analarǵa kómek kórsetý bolyp tabylady. Alǵash ret qolǵa alynǵan shara jalǵasyn tabady, biz ár toqsan saıyn osyndaı kómek kórsetip otyrýdy josparǵa alyp otyrmyz», dedi qoǵammen baılanys bóliminiń dırektory Almagúl Mamadalıeva. Onyń aıtýynsha, ár túrli medıtsınalyq preparattar, kómek alýshylardyń qajetti dári-dámek tizimine qaraı, 500 eýro qarajat kóleminde satyp alynǵan.
