Almatyda 25 jastaǵy azamat 3 balany órtten aman alyp qaldy
ALMATY. QazAqparat - Almatyda 25 jastaǵy azamat 3 balany órtten aman alyp qaldy, dep habarlaıdy QazAqparat QR ІІM Tótenshe jaǵdaılar komıtetiniń baspasóz qyzmetine silteme jasap.
«11 naýryz kúni saǵat 18-21-de Almaty qalasynyń Tótenshe jaǵdaılar departamentine Jetisý aýdanynyń Birinshi maı kóshesindegi eki qabatty jeke menshiktegi jataqhanadan órt shyqqany týraly habar tústi. Órt aldymen birinshi qabattaǵy bólmeden shyqqan. Artynan ǵımarattyń shatyryn sharpyp, 80 sharshy metr aýmaq órtengen»,-dep habarlady Tótenshe jaǵdaılar komıteti.
Órt sóndirýshilerdiń kúshimen órt saǵat 18-53-te aýyzdyqtalyp, 19-15-te tolyqtaı sóndirldi. Zardap shekkender men mert bolǵandar joq. Órtti sóndirýge jeke quramnan 32 adam jáne Almaty qalasy Tótenshe jaǵdaılar departamentiniń 9 órt sóndirý tehnıkasy jumyldyryldy. Kórshiles úıdiń turǵyny úsh adamdy órtten aman alyp qaldy.
«1994 jyly týǵan Dúısen Nurqanat 2013 jáne 2016 jyly týǵan eki balany ekinshi qabattaǵy tútin basqan bólmeden alyp shyqty. 2018 jyly týǵan úshinshi balany anasy terezeden laqtyrǵan. Nurqanat ony syrt kıimimen tosyp aldy»,-dep habarlady Tótenshe jaǵdaılar komıtetiniń ókilderi.
