Almatyda 25 blokpostta ahýal turaqty – polıtsııa
ALMATY. QazAqparat – Almatyda qalanyń perımetri boıynsha jumys jasap turǵan 25 blokpostyń ahýal turaqty. Bul týraly qalalyq Polıtsııa departamentiniń basshysy Qanat Taımerdenov onlaın brıfıng barysynda aıtty, dep habarlaıdy QazAqparat tilshisi.
Olardyń jumysyna QR Qorǵanys mınıstrliginiń áskerılerin qospaǵanda PD-niń jeke quramynan 700-ge jýyq adam jumyldyrylǵan.
Departament basshysy eń iri kúrejoldarda birneshe kún boıy keptelister baıqalatynyn moıyndady.
«Olar eń aldymen karantın rejımin báseńdetýge baılanysty bolyp otyr. Keıbir azamattar muny karantınniń toqtatylýymen shatastyrady, sondyqtan olar qalaǵa kirýge nemese, kerisinshe, qaladan shyǵýǵa tyrysady. Karantınniń joıylmaǵandyǵy týraly taǵy da eskertemiz. Blokbostan tek Jedel shtabtyń derekteriniń arnaıy tizilimine engizilgen azamattar ǵana óte alady. Júk kóligin qospaǵanda, ár kólik quralyn tekserýge belgili bir ýaqyt ketedi. Osyǵan baılanysty, biz azamattardy óz úılerinen negizsiz shyǵyp ketpeýge shaqyramyz. Bul sharalardyń barlyǵy azamattardyń densaýlyǵy men ómiriniń qaýipsizdigine baǵyttalǵan. Túsinistikpen qaraýlaryńyzdy ótinemiz», - dedi Qanat Taımerdenov.
