Almatyda 240 myńnan astam adam revaktsınatsııa jasady

ALMATY. QazAqparat – Almatyda bir táýlik ishinde 2 825 adam koronavırýsqa qarsy ekpe aldy. Onyń ishinde 1-komponentin 1 206 adam, 2-komponetin 1 619 adam saldyrdy. Bul týraly qalalyq qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.

«Ótken jyldyń 1 aqpany men bıylǵy jyldyń 24 aqpany aralyǵynda qalada 1 137 561 turǵyn vaktsınanyń birinshi komponentin, 1 093 777 adam ekinshi komponentin saldyrǵan. Onyń ishinde 124 906 adamnyń jasy 60-tan asqan»,- delingen habarlamada.

241 605 qala turǵyny revaktsınatsııadan ótti.

«Búgingi tańda qalada medıtsına mekemelerinde 119 vaktsınatsııa pýnkti jumys isteıdi. 140 vaktsınatsııa brıgadasynda 520 medıtsına qyzmetkeri jumyldyryldy» - dep atap ótti Almaty qalasy Qoǵamdyq densaýlyq basqarmasynyń baspasóz qyzmeti.