Almatyda 24 jastaǵy alaıaq qarttar men balalardy aldap kelgen

Almaty q. ІІD baspasóz qyzmetiniń habarlaýynsha, boıjetken aldaý arqyly bógde adamdardyń senimine kiretin bolǵan. Sóıtip, olardyń úılerine kirgen soń, aqsha nemese qundy zattardy urlap ketip otyrǵan.

Osylaısha bir ǵana Bostandyq aýdanynyń ózinde 20 adam zardap shekken.

Mysaly, M. Áshirbekova bıylǵy jyldyń naýryz aıynda 80 jastaǵy qart ananyń páterine kirip, onyń qymbat buıymdaryn jymqyryp ketti.

Boıjetken tutqyndalyp, taıaýda 5 jylǵa bas bostandyǵynan aıryldy. Qazir onyń qalanyń basqa da aýdandarynda jasaǵan qylmystyq áreketteri anyqtalyp otyr. Olar boıynsha sotqa deıingi tergeý amaldary jalǵasýda.