Almatyda 24 jasar qyzdy óltirgeni úshin 17 jylǵa sottalǵan jigit sot úkimine narazy
ALMATY. QazAqparat - Almatyda 24 jasar Saıda Ibragımovany óltirgeni úshin 17 jylǵa bas bostandyǵynan aırylǵan Jan Alagózov sot úkimin jumsartýdy ótinip, apellıatsııaǵa berdi.
Bul týraly QazAqparat tilshisine japa shegýshilerdiń qorǵaýshysy Suńqar Nurmaǵambetov aıtty.
Qorǵaýshynyń aıtýynsha, isti qalalyq sottyń apellıatsııalyq alqasy qaraıdy. Alaıda, otyrystyń qashan bolary belgisiz.
Esterińizge sala keteıik, jan túrshigerlik oqıǵa bıyl naýryzda oryn aldy. 24 jasar Saıda Ibragımovanyń órtelgen denesi qalanyń syrtynan tabyldy. Keıin qandyqol qylmysqa barǵan úsh jigit ustaldy. Sot sheshimimen Jan Alagózov - 17 jylǵa, Álibek Eralıuly - 4 jylǵa, Gavgaz Álıev 18 jylǵa bas bostandyǵynan aırylǵan bolatyn.
