Almatyda 2345 lıtr kúmándi dezınfektsııa ónimi anyqtaldy
ALMATY. QazAqparat – Almaty polıtsııasy megopolıste kúmándi dezınfektsııa ónimin anyqtady, dep habarlaıdy QazAqparat tilshisi.
Almaly aýdanynyń aýmaǵynda jeke úılerdiń birinen suıyqtyq quıylǵan 469 bótelke tabylyp, tárkilendi. Dezınfektsııa ónimniń jalpy kólemi 2 345 lıtrdi quraıdy.
«Iesiniń ózi túsindirgendeı, ol osy ónimdi dosynan qalada satý úshin alǵan. Alaıda onyń tıisti qujattary joq. Keıbir kanıstrlerde japsyrmalar da joq. Óndirý ádisi men hımııalyq quramy da belgisiz. Osyǵan baılanysty, biz, óz mindetterimizge qaraı sharalar qabyldadyq. Sot-hımııalyq saraptama taǵaıyndaldy. Jınaǵan materıaldar Almaty qalasy boıynsha DER-ge tapsyryldy. Árıne, zańdylyq prıntsıpi birinshi kezekte keledi, al, eger bul suıyqtyqtyń antıseptıkalyq qasıetteri bolmasa, ony qazirgi ýaqytta satý – tek tutynýshyny aldaý ǵana emes, jasyryn qylmys. Bul ónim ár túrli hımııalyq qospalarmen durys emes proportsııada qolmen jasalǵan jaǵdaıda óndirilse, ol tipti zııan. Endi osy máselemen «suıyqtyq» ıesiniń is-áreketin dál anyqtaıtyn tıisti organdar aınalysady», – dedi Almaty qalalyq PD bastyǵynyń orynbasary Berik Ábilbekov.
