Almatyda 23 jastaǵy jigitti jaqyndary tappaı jatyr
ALMATY. QazAqparat - 23 jastaǵy Temirhan Iman-Zulpar Aıtýǵanuly 6 aqpanda úıinen shyǵyp ketip, sodan qaıtyp oralmaǵan, dep habarlaıdy QazAqparat tilshisi.
Jigittiń ápkesi Baıan Seıitova inisiniń Shamalǵan eldi mekeninen taksıge otyryp ketkenin aıtty. Sol kúni ol ortalyqtaǵy jumysyna barýy tıis bolǵan.
«Іnim úıden tańerteńgi 10:30-da shyǵyp ketip, Shamalǵandaǵy "Eńlik" dúkeniniń aldynan taksıge otyrǵan. Taksıst ony Raıymbek pen Saın kósheleriniń qıylysynda túsirip ketken. Kóshedegi beınekameralar arqyly onyń «12 aı» saýda úıiniń qasynan túsip qalǵanyn kórdik. Uıaly telefonyn detalızatsııaǵa salǵan kezde keshki 17:44 shamasynda Qyrǵyz eliniń shekarasynan ótkenin bildik. Sońǵy ret telefony 23:10-da Qyrǵyz elinen Qordaıǵa ótetin jerde tirkeldi. Odan keıin iz-túzsiz joq», - dedi Baıan Seıitova.
Jigittiń jaqyndary ony kórgen adamdar bolsa +7 701 785 55 57 habarlasýyn suraıdy.
