Almatyda 23 jastaǵy jigit qańtarda urlaǵan myltyqty qabyrǵaǵa qalap tastaǵan
ALMATY. QazAqparat - Almaty polıtsııasy qańtarda urlanǵan myltyqty qabyrǵaǵa qalap tastaǵan er adamdy ustady, dep habarlaıdy QazAqparat tilshisi.
Almaty qalalyq polıtsııa departamentiniń málimetinshe, jedel-izdestirý is-sharalary barysynda Almaty oblysynyń 23 jastaǵy turǵyny ustaldy.
«Jedel ýákilder onyń úıinen qabyrǵaǵa qalanǵan «FAIR» markaly tegis uńǵyly sholaq myltyqty tapty. Ony ol qańtar aıynda qaladaǵy qarý satatyn dúkenderdiń birinen urlap ketken. Sonymen qatar, J. esimdi azamattyń tek qarý satatyn dúkendi ǵana emes, sondaı-aq, uıaly telefon satatyn saýda ornyn tonaǵany anyqtaldy», - dedi Almaly aýdandyq polıtsııa basqarmasynyń bastyǵy Esen Ysqaqov.
Atalǵan derek boıynsha QR QK-niń 291-babynyń 1-bóligine sáıkes sotqa deıingi tergeý amaldary bastaldy.
Kúdiktige qatysty sot qamaýǵa alý týraly sheshimdi tańdady.
