Almatyda 229 nysandy qorǵaý usynyldy
ALMATY. QazAqparat – Almatyda Baqytjan Saǵyntaevtyń tapsyrmasymen qalalyq josparlaý jáne ýrbanıstıka basqarmasy «Biregeı ǵımarattar katalogy» tarıhı-mádenı eskertkishter tizbesin keńeıtý jobasyn jalǵastyrýda, dep habarlaıdy QazAqparat tilshisi.
«2019 jyldyń qazan aıynan bastap Almaty turǵyndarynan 57 hat kelip tústi, onyń ishinde Archcode Almaty jáne «Tarıhı kvartal» jobalary bar. Ótinishter sanyna sonymen qatar 673 nysandy qamtyǵan Gúlsana Bataqovanyń tizimi kiredi. 250 nysan ortalyqta ornalasqan. Qazirgi ýaqytta óńdelýde. Al 240 nysan qalanyń shetki aımaǵynda ornalasqan jáne ortalyq josparlaý aýdanyna jatady. Sondyqtan óndeý jumystary qosymsha ýaqytty qajet etedi», - dep habarlady basqarmadan.
Jalpy alǵanda, mamandar 229 nysandy, onyń ishinde 32 qalalyq keshenderdi qorǵaýdy usyndy. Eń aldymen Archcode Almaty tizimindegi 12 nysan jáne «Tarıhı kvartal» jobasy boıynsha 37 úıi bar.
Eske salaıyq, jergilikti jáne respýblıkalyq mańyzy bar tarıhı eskertkishteriniń basym bóligi Almatynyń tarıhı ortalyǵynda ornalasqan:
1. Almaty qalasynyń respýblıkalyq mańyzy - 31 nysan.
2. jergilikti mańyzy bar - 106 nysan (Almaty qalasy ákimdiginiń 2010 jylǵy 10 jeltoqsandaǵy № 4/480 qaýlysy). Onyń ishinde a rheologııa – 10, ǵ ımarat-61, e skertkishter – 35.
Almatylyqtardyń pikiri boıynsha saqtalýy tıis ǵımarattar týraly aqparatty almaty.uaig.kz saıtyndaǵy «Biregeı ǵımarattar katalogy» aıdaryna aty-jóni men tegin, baılanys telefonyn, nysannyń mekenjaıy men fotosyn jiberý qajet. Іzgi nıetti azamattar usynǵan obektilerdi sarapshylar bir aıda eki ret qoǵamdyq komıssııada talqylaıdy jáne «Almatynyń biregeı ǵımarattarynyń katalogyna» engiziledi.
