Almatyda 22 jyl buryn jasalǵan qylmys ashyldy
Qalalyq polıtsııa departamenti bastyǵynyń orynbasary Rýstam Abdrahmanovtyń aıtýynsha, osydan 22 jyl buryn jasalǵan qylmys tikeleı kýágerlerdiń joqtyǵynan, tek janama aıǵaqtardyń bolýynan kópke deıin ashylmaǵan. Degenmen, tergeýshilerdiń saýatty jumys algorıtmi arqyly qylmys ashyldy.
«Nátıjesinde, 2021 jylǵy 26 jeltoqsanda kúdikti anyqtalyp, ustaldy. Ol 1965 jyly 26 qarashada týǵan K. esimdi azamat bolyp shyqty. Oǵan qatysty «qamaýda ustaý» bultartpaý sharasy tańdaldy. Aǵymdaǵy jyldyń 1 aqpan kúni qylmystyq is boıynsha Almaty qalasy PD tergeý basqarmasynyń tergeýshileri men basshylarynyń esepterin tyńdadym. Qosymsha tergeý áreketterin júrgizý jáne aqpan aıynda QR Qylmystyq-protsestik kodeksiniń 300-babyna sáıkes is materıaldaryn joldaý (aıyptaý aktisin jáne qylmystyq isti prokýrorǵa joldaý) týraly tapsyrmalar berildi», - dep jazdy Facebook-te Rýstam Abdrahmanov.