Almatyda 22 jastaǵy jigit kópirden sekirip ketti
ALMATY. QazAqparat - Búgin tańerteń Batys Qazaqstan oblysy turǵyny Almatydaǵy kópirden sekirip ketti, dep habarlaıdy QazAqparat tilshisi.
22 jastaǵy jigit Tóle bı men Shyǵys aınalma jolynyń qıylysyndaǵy kópirden sekirip ólgisi kelgen.
"Ol eshqandaı talap qoımaǵan. Polıtsııa men arnaıy qyzmet ókilderi jigitti mundaı qadamnan saqtap qalýǵa tyrysty. TJD ókilderi qaıǵyly jaǵdaıdyń aldyn alý úshin tent kerip turdy. Oǵan kommýnaldyq qyzmet ókilderi de kómektesti", - dedi qalalyq TJD baspasóz qyzmeti.
Polıtsııa qyzmetkerleriniń sózinen soń jigit kópir shetine otyryp kerilgen tentke sekirip túsken.
Qazirgi tańda onyń bul qadamǵa nege barǵysy kelgeni anyqtalyp jatyr.
