Almatyda 22 naýryzdan bastap kólikterdiń qala aýmaǵynan shyǵýǵa tyıym salynady
ALMATY. QazAqparat – Almaty oblysy turǵyndary men qonaqtaryna 22 naýryz túngi saǵat 00:00 deıin qajettilik týǵan jaǵdaıda qaladan shyǵyp ketýge ruqsat berildi. Bul týraly qala ákiminiń birinshi orynbasary Erlan Qojaǵapanov onlaın brıfıng barysynda aıtty, dep habarlaıdy QazAqparat tilshisi.
«Barlyq aımaq turǵyndaryna, atap aıtqanda Almaty oblysynyń turǵyndaryna qarata aıtqym keledi. Olar 72 saǵat ishinde qaladan shyǵyp úılerine jetip alý kerek. Almaty turǵyndaryna tolyq oqshaýlanýǵa keńes beremin», - dedi qala ákiminiń orynbasary.
Onyń aıtýynsha, Almaty 22 naýryzda túngi saǵat 00:00-de tolyq jabylady.
«22 naýryzda barlyq blok post jabylady. Qala turǵyndaryna kólik keptelisi bolmas úshin óz qozǵalystaryn rettep alýdy usynamyz. Sonymen qatar, jeńil kólikter men avtobýstardyń shyǵýyna tyıym salynady», - dedi ol.
