Almatyda 21 jastaǵy jigit ǵashyǵy úshin shatyrdan sekirmek boldy

ALMATY. QazAqparat - Almatyda dúken shatyryna shyǵyp, sekirmek bolǵan er adam qutqaryldy, dep habarlaıdy QazAqparat tilshisi.

21 jastaǵy jigit tóbeden sekiremin dep qorqytqan. Bul vıdeo áleýmettik jelide tarady.

Qalalyq polıtsııa departamenti baspasóz qyzmeti habarlaǵandaı, oqıǵa Raıymbek pen Súıinbaı kósheleriniń qıylysyndaǵy dúkenderdiń birinde bolǵan.

«21 jastaǵy jigit dúken tóbesine shyǵyp, sekirýge oqtalǵan. Alaıda, qutqarýshylar qaıǵyly jaǵdaıdy aldyn aldy. Jas jigit osy dúkende jumys isteıtin ǵashyǵynyń nazaryn aýdarǵysy kelgen», - dedi baspasóz qyzmetinen.

Bul derek QR QK 105- babymen sotqa deıingi tergeý isi reestrine tirkeldi.