Almatyda 21 marshrýttyń avtobýstary jańartyldy
ALMATY. QazAqparat - Bostandyq aýdanynda jańa baǵdarshamdar ornatylyp, 21 marshrýttyń avtobýstary jańartyldy. Bul týraly Erbolat Dosaev málim etti, dep habarlaıdy QazAqparat tilshisi.
Halyqpen kezdesýde Almaty ákimi Erbolat Dosaev aýdanda 500 mln teńgege jalpy aýdany 60 myń sharshy metr aýmaqta jóndeý jumystary josparlanǵanyn aıtty.
Qazir 4 myń sharshy metr asfalt tóseldi.
«Sonymen qatar, jol qaýipsizdigin qamtamasyz etý maqsatynda 30 qarashaǵa deıin 8 baǵdarsham ornatý kózdelgen. Al halyqqa kólik qyzmetin kórsetý sapasyn arttyrý úshin 21 marshrýtta 288 avtobýs jańartyldy», - dedi ol.
Jyl sońyna deıin jeke tasymaldaýshylar marshrýttaryndaǵy 44 avtobýs pen «Almatyelektrotrans» JShS 193 avtobýsy jańartylady.
