Almatyda 21 qańtarda joǵalyp ketken sarbaz tabyldy

ASTANA. QazAqparat - Almatyda 21 qańtardan beri izdeý salynǵan merzimdi boryshyn óteýshi sarbaz tabyldy, dep habarlaıdy QazAqparat Qorǵanys mınıstrliginiń baspasóz qyzmetine silteme jasap.

«Almatyda 30 qańtarda QR QK áskerı polıtsııasy Gvardııa garnızony 21450 áskerı bóliminiń iz-túzsiz ketken merzimdi boryshyn óteýshi sarbaz Janbolat Bozbanovty tapty», - delingen habarlamada.

Budan buryn habarlanǵandaı, 19 jastaǵy Atyraý oblysynyń týmasy 21 qańtarda óz erkimen áskerı bólimdi tastap ketken edi. Oǵan áskerı polıtsııa izdeý salǵan bolatyn.