Almatyda 21 eski úı men 178 páter súrilip, ornyna 11 kóppáterli turǵyn úı paıdalanýǵa berildi
Bul týraly óńirlik kommýnıkatsııalar qyzmetiniń brıfınginde Almaty qalasynyń Almaly aýdany ákiminiń orynbasary Sapar Nurashev aıtty, dep habarlaıdy QazAqparat tilshisi.
Sapar Nurashevtiń aıtýynsha, aýdanda 1 395 kóppáterli turǵyn úı bar. Olarǵa 206 páter ıeleriniń tutyný kooperatıvi, tutynýshylar kooperatıvteri nemese turǵyn úı-qurylys kooperatıvteri qyzmet kórsetedi. Qazirgi ýaqytta aýdanda 147 múlik ıeleri birlestigi men 571 jaı seriktestik qurylǵan.
«Almaly aýdanynda «2018-2022 jyldary Almaly aýdanynyń aýmaǵyndaǵy eski úılerdi súrý baǵdarlamasy» aıasynda sońǵy 4 jylda jalpy aýdany 9138 sharshy metr bolatyn 21 eski úı nemese 178 páter súrildi. Olardyń ornynda 11 kóppáterli turǵyn úı paıdalanýǵa berildi.
Búginde Tóle bı kóshesi men Seıfýllın dańǵylynyń qıylysynda eki úı buzylyp, 2 turǵyn úı ýchaskesi men 1 ákimshilik ǵımarat salynýda.
Shevchenko men Sháripov kósheleriniń qıylysynda qurylys kompanııasy bir jer úı men eki qabatty úıdi buzyp, ornyna jaqyn arada kóppáterli turǵyn úı salatyn bolady»,- dedi Sapar Nurashev.
Ol sondaı-aq Jambyl – Baızaqov – Shevchenko – Manas kósheleri kvadratynda ornalasqan eki qabatty 28 turǵyn úıdiń turǵyndarymen kelissózder júrgizilip jatqanyn málim etti.
«Kóshelerdiń osy alańynda 2 úı satyp alyndy, bul 28 úı turǵyndarynyń turǵyn úı jaǵdaılaryn jaqsartý úshin bastapqy alań bolady», - dedi spıker.
