Almatyda 21-22 naýryz kúnderi qalanyń barlyq aýdandarynda «Naýryz meıramy - 2012» atty merekelik sharalar ótedi

Negizgi merekelik sharalar qalanyń «Astana» alańynda saǵat 11.00 -de bastalady, dep habarlaıdy Almaty qalasy ákiminiń baspasóz qyzmeti.

Naýryz merekesimen Almaty turǵyndary men qonaqtaryn Almaty qalasynyń ákimi Ahmetjan Esimov quttyqtaıdy.

21 naýryz kúni «Astana» alańynda «Qazaq aýyly» boı kóterip, kelýshiler nazaryna «Oıaný», «Dástúr», «Naýryz shashý» atty úsh bólimdik  teatrlandyrylǵan qoıylym, Qazaqstan óner sheberleriniń kontserti usynylatyn bolady. Sondaı-aq, shara barysynda ulttyq sport túrlerinen    jarystar ótedi. Saǵat 15.00-den  20.00-ge deıingi úzilisten soń, Naýryz merekesine arnalǵan keshki kontserttik baǵdarlama usynylady. Bul kúngi merekelik shara otshashýmen aıaqtalady.

22 naýryz kúni qala jurtshylyǵy men qala qonaqtaryna Almaly aýdanynyń merekelik kontserti usynylady. Shara Halyqaralyq «Kınotavrık» kıno men óner festıvaliniń ashylýymen jalǵasady.  Saǵat 19:00-de Qazaqstan estrada juldyzdarynyń qatysýymen jastar bı keshi ótedi.