Almatyda 206 mekteptiń 6221 oqýshysy UBT tapsyryp jatyr
ALMATY. QazAqparat - Almatyda Ulttyq biryńǵaı testileýge 206 mekteptiń 6221 oqýshysy qatysyp jatyr. Bul qala túlekteriniń 79 paıyzyn quraıdy. Bul týraly qalalyq bilim berý basqarmasynyń basshysy Rahat Shımasheva aıtty.
Onyń aıtýynsha, testileý 8 joǵary oqý orny bazasynda ótip jatyr. Qazir oqýshylardyń qaýipsizdigin qamtamasyz etý úshin quqyq qorǵaý organdary jumyldyryldy. Oqý oryndarynyń janynda medıtsınalyq qyzmet ókilderi, jedel járdem kólikteri kezekshilik etip jatyr.
Basqarma basshysy bıylǵy testileýdiń erekshelikterin de atap ótti.
«Bıylǵy jyly UBT-ny ótkizýdiń erekshelikteri: UBT men attestattyń jyldyq ortasha baǵasyn esepteletin bolady.. Sonymen qatar, mınıstrlik bilim berý uıymdaryn UBT qorytyndylary boıynsha saralaýdy biriktirilgen kórsetkishter negizinde júrgizetin bolady. Onyń ishinde mektep bitirýshilerdiń jalpy sanynan UBT-ǵa qatysýshylardyń paıyzdyq ara qatynasy, testileý kezinde bitirýshilerdiń UBT qaǵıdasyn buzýshylardyń sany, UBT qorytyndylarynyń joıylǵan sany, testileýdiń qorytyndysy boıynsha ortasha ball kórsetkishteri qaperge alynady. Test tapsyrýshynyń derbes derekterin qorǵaý maqsatynda bitirýshiniń aty-jóniniń ornyna jeke sáıkestendirý nómiri jáne testileýshiniń jeke kody jazylady», - dedi ol.
UBT qorytyndysy UBT ortalyǵynyń saıtynda jarııalanady.
