Almatyda 2022 jylǵy qysqy Olımpıadany ótkizýge ótinim jasaý naýqany aıasynda velojarys ótedi
ALMATY. QazAqparat - 21 maýsym kúni Almatyda «Olımpıada Almaty-2022» ótinim jasaý naýqany aıasynda velojarys ótedi. Bul týraly búgin Almaty qalasy ákiminiń baspasóz qyzmetinen habarlady.
Bul velojarysqa ataqty veloshabandozdar Aleksandr Vınokýrov pen Fabıo Arý qatysady.
Aleksandr Vınokýrov - qazaqstandyq kásipqoı veloshabandozy, London Olımpıadasynyń chempıony, QR eńbek sińirgen sport sheberi, «Astana» velokomandasynyń bas menedjeri. Al Fabıo Arý - kásipqoı veloshabandoz, «Pro Team Astana» komandasynyń múshesi, 2014 jyly Djıro d'Italııa jarysynda jalpy esepte úshinshi oryn alǵan.
Jarys «Suńqar» shańǵy tramplıni kesheni aldynan bastalady. Odan keıin veloshabandozdar ál-Farabı dańǵyly boıymen Rozybakıev kóshesine jetip, ári qaraı Abaı dańǵylyna túsedi, odan keıin dańǵylmen júrip otyryp Ortalyq stadıondaǵy máre syzyǵynan ótedi. Birinshi kelgender baǵaly syılyqtarmen marapattalady.
Jarys saǵat 08:00-de bastalady.
