Almatyda 2022 jylǵa qaraı qalany aınalyp ótetin temirjol salynady

ALMATY. QazAqparat - Indýstrııa jáne ınfraqurylymdyq damý mınıstri Beıbit Atamqulov Almaty stansasyn aınalyp ótetin temirjol qurylysy týraly aıtty, dep habarlaıdy QazAqparat tilshisi.

Bul týraly mınıstr Almatyda Qazaqstan Prezıdenti Qasym-Jomart Toqaevtyń qatysýymen ótken kezdesý barysynda málim etti.

«Qazirgi ýaqytta temirjol tranzıti men Almaty stansasy arqyly Qytaı men Ortalyq Azııa elderi arqyly ótetin júk aǵymynyń ósýi baıqalady. Bir jylda 20%-ǵa deıin kóterilgen. Osyǵan baılanysty, mınıstrlik MJÁ tetigin qoldana otyryp, Almaty qalasyn aınalyp ótetin temirjol jelisin salý jobasyn ázirleýde. Bul bizge tasymaldaý ýaqytyn eki kúnge qysqartýǵa, Almaty stansasynyń júktemesin 40% -ǵa tómendetýge múmkindik beredi. Qurylys jumystaryn 2020-2022 jyldarǵa josparalap otyrmyz. Eseptelgen kórsetkishke júginer bolsaq, 2025 jyly Almaty arqyly 17 mıllıon tonna tranzıttik júk ótýi kerek», - dedi Beıbit Atamqulov.