Almatyda 2019 jylǵy bıýdjet bekitildi

ALMATY. QazAqparat - Almatyda máslıhattyń kezekten tys sessııasynda qalanyń 2019 jylǵy bıýdjeti bekitildi. Onyń jalpy kólemi 525,2 mlrd teńge boldy, dep habarlaıdy QazAqparat tilshisi.

Bunyń aldynda bıýdjet jobasyn Qoǵamdyq keńes músheleri men «Nur Otan» partııasy fraktsııasynyń depýtattary qarady.

Bıýdjet «nólden» jasalyp, Memleket basshysynyń Joldaýy men «Almaty-2020» qalalyq baǵdarlmasyn júzege asyrýǵa qatysty qaıta quryldy. Qalada kelesi jyldan bastap bıýdjettik baǵdarlamalar men draıver - jobalardyń oryndalý barysyn kórsetetin aqparttyq monıtorıngtik júıe jumys isteıtin bolady.

Munyń aldynda Almaty máslıhatynyń kezekti sessııasynda qala bıýdjeti qaıta qaralyp, únemdelgen qarajat mańyzdy baǵyttarǵa qaıta bólingen bolatyn.

«Bıýdjetti naqtylaý sheńberinde birqatar mańyzdy áleýmettik jobalarǵa basymdyq berý qarastyrylǵan. Respýblıkalyq bıýdjetten Almatyǵa qosymsha 10,8 mlrd teńge bólindi. Bul qarajat Abaı dańǵylyn uńǵylaýǵa, Rysqulov pen Qulja jolaıryǵynyń qurylysyn aıaqtaýǵa, 2021 jylǵa taman metro stansasyn paıdalanýǵa berýge, elektr poıyzdaryn satyp alýǵa baǵyttalady», - dedi qalalyq ekonomıka jáne bıýdjettik josparlaý basqarmasynyń basshysy Іlııas Óserov.

Eske sala keteıik, Almatydaǵy qalalyq sot ǵımaratynyń qurylysyna 1 mlrd teńge bólinetinin jazǵan bolatynbyz.