Almatyda 2018 jyly ne ózgerdi

2017 jyldyń sońynda ǵana qalalyq Sáýlet jáne qala qurylysy basqarmasynyń burynǵy orynbasary, qazirgi basshysy Almashan Ahmedjanov 8 kóshe, birqatar alańdardyń ózgeretinin habarlaǵan bolatyn.

Qala ómir súrýge qolaıly etý maqsatynda atqarylǵan jumystardyń nátıjesinde ortalyqtyń 60% jańardy.

Qazirgi kezde árbir úshinshi aýla jańa keıipke engen, olardyń kópshiligi qalanyń shet aýdandarynda ornalasqan. Eger bıyl 575 aýla abattandyrylsa, 2019 jyly taǵy 600 aýla jańartylmaq.

 

 

Qala basshysy atalǵan jumystardyń barysyn qatań qadaǵalap otyrdy.

Sonymen qatar, bıyl Almatyda jeke menshiktegi birqatar jer ýchaskeleri memleket menshigine qaıtarylǵanyn atap ótý kerek.

Almaty ákimi Baýyrjan Baıbek «Atakent» iskerlik baılanys ortalyǵynyń 23 gektar aýmaǵyn jalǵa berý týraly kelisimniń kúshin joıý týraly qaýly shyǵardy. Endi 54,1 ga aýmaqty qurap jatqan terrıtorııa qalanyń menshigine qaıtaryldy. Onyń 31 gektary jeke menshikte, al 17 gektarynda túrli saýda oryndary, meımanhanalar men sport keshenderi ornalasqan.

Osy ózgeristerdiń arqasynda Atakent terrıtorııasy qalalyqtardyń súıikti demalys ornyna aınaldy. Bul jerde úlken art-nysan - Tıinniń músini paıda boldy.

Ekologııalyq taza materıaldardan, shópten jasalǵan nysan týraly Qazaqstan túgili VVS, New Yourk Post, Fox News taǵy basqa basylymdar jaza bastady.

Tıindi kórýge asyqqan almatylyqtarǵa da yńǵaıly jaǵdaı jasaldy. Endi almatylyqtar Tımırıazev kóshesinde ornalasqan Qazaqstandaǵy tuńǵysh BRT jolymen jyldam júretin boldy.

Sonymen qatar, qala bıligi qoǵamdyq kólik qozǵalysyn yńǵaıly etý úshin aıaldamalarǵa elektrondy tablolar ornata bastady. Bul ekrandarda avtobýstyń qansha ýaqyttan soń keletini týraly aqparatty bilýge bolady.

Sońǵy úsh jyl ishinde Almaty ákimdigi jekemenshik tasymaldaýshylardyń barlyǵyn avtobýs parkin jańartýǵa májbúrleı bastady.

Sonyń arqasynda sońǵy úsh jylda 1000-ge jýyq avtobýs satylyp alyndy.

Al qoǵamdyq kólikterge bólingen arnaıy jolaqtyń arqasynda avtobýstarǵa otyratyn jolaýshylardyń sany kúrt artqan.

Bıyldan bastap Almatyǵa birneshe baǵytta 12 metrlik úlken avtobýstar shyǵa bastady. Bul kólikter BRT joldarymen de Tóle bı kóshesimen de júrip júr.

 





Sonymen qatar, bıyl bazarlardy órkenıetti saýda oryndaryna aınaldyrý boıynsha jumystar bıyl da jalǵasyp keledi.

Qalada jerasty joldarynan saýda oryndary alynyp, dóner, samsa satatyn dúńgirshekter jabyldy. Onyń ornyna Almatydaǵy 60-tan astam jerasty jolynda ájethanalar salynyp, ulttyq naqyshtaǵy sýrettermen árlenip, ulttyq mýzyka oınap turady.

Sonymen qatar, Almatyda Park fest festıvali aıasynda irikteýden ótken birqatar art-nysan ornatyldy.

Olardyń ishinde Atakenttegi alyp Tıin, músinshi Erbolsyn Meldibekovtyń «Ertoqym» músini, Cracking Art Group jobasynyń ulýlary almatylyqtardyń erekshe qyzyǵýshylyǵyn týdyrdy. Sonymen qatar, qalada belgili ánshi Vıktor Tsoıdyń, ıÝrıı Gagarınniń músini paıda boldy.
  


 

Almaty qalasynyń ákimdigi qalany mádenı, áleýmettik, ekonomıkalyq damytý jumystaryn odan ári damytýǵa nıetti.