Almatyda 2017 jyldyń sońyna deıin kommýnaldyq qyzmetterdiń 1,5 myńǵa jýyq avtokóligi gazǵa kóshiriledi

ALMATY. QazAqparat - Almaty qalasynyń kommýnaldyq qyzmetteriniń 1469 dana avtokóligi men arnaıy tehnıkasy eki jyl ishinde, ıaǵnı 2017 jyldyń sońyna deıin benzınnen gazǵa kóshiriledi. Bul týraly búgin Almaty qalasy ákimdiginiń baspasóz qyzmetinen habarlady. Bul shara Almaty ákimdigi qabyldaǵan, qalanyń aýa alabyn jaqsartýǵa baǵyttalǵan keshendi jospar aıasynda júzege asyrylady.

Sonymen qatar, ınvestıtsııa arqyly aldaǵy ýaqytta qalaǵa jetkiziletin sý jańa 100 qoqys tasymaldaýshy avtokólikter de gazben júretin bolady.

Budan basqa, bıyl syǵymdalǵan tabıǵı gazben júretin mýnıtsıpaldyq avtobýstardyń sanyn 800-ge jetkizý josparlanǵan. Qazir olardyń sany - 600 dana.

Taǵy bir aıta ketetin jáıt, qoǵamdyq kólikter júretin arnaıy jolaqtar uzartylady. Bıyl mundaı jolaqtardyń uzyndyǵy 100 shaqyrymǵa jetkizilmek. Al bul, qoǵamdyq kólikterdiń júrý jyldamdyǵyn arttyrýǵa múmkindik beredi. Demek, jolaýshylar arasynda qoǵamdyq kólikterdiń tartymdylyǵy arta túsedi degen sóz.

Sondaı-aq, jańa júrginshilik aımaqtar qala ekologııasyn jaqsartýǵa septigin tıgizedi. Bul aımaqtar danııalyq sáýletshi, qala dızaıny boıynsha keńesshi ıAn Geıldiń usynysy boıynsha jasalady.

Onyń «Avtokólikterge emes, adamdarǵa arnalǵan qala» jobasy aıasynda Almatyda ınvestorlardyń qarjysyna 250 balalar jáne sport alańdary, 150 veloturaq jáne 20 veloprokat beketteri salynatyn bolady.