Almatyda 2012 jyldyń qyrkúıeginde izdeý jarııalanǵan sottalýshy ustaldy
ASTANA. 24 sáýir. QazAqparat - Qylmystyq atqarý júıesiniń jáne Almaty ІІD krımınaldyq polıtsııa basqarmasynyń qyzmetkerleri ótken jyldyń qyrkúıek aıynan beri izdeý jarııalanǵan sottalýshyny qolǵa túsirdi.
Bul týraly ІІD QAJK baspasóz qyzmetinen habarlandy.
32 jastaǵy sottalýshy Shyǵys Qazaqstan oblysy Óskemen qalasyndaǵy qonystandyrý kolonııasynda jazasyn ótedi. Onyń erkin júrip-turý quqyǵy bar. Biraq aıdyń ortasynda sottalýshy óziniń jumys ornyn tastap, izin sýytqan.
Sol ýaqyttan beri ony izdeý sharasy qolǵa alynǵan-dy. Qashqynnyń tulǵasy beınelengen nusqaýlar elimizdiń barlyq aýmaǵyna jiberildi. Ońtústik astanadaǵy krımınaldyq polıtsııanyń qyzmetkerleri onyń izine túse aldy.
Qazirgi ýaqytta qashqyn Almaty ІІD ýaqytsha ustaý ızolıatoryna qamaldy.
Aıta ketken jón, ótken aptada 2012 jyldyń tamyzynan izdestirilgen taǵy bir sottalýshy Almaty oblysynyń Baıserke kentinde ustaldy.
