Almatyda 2011 jyly barlyq bala balabaqshamen tolyq qamtylyp bolady - Ahmetjan Esimov
sp;ALMATY. Jeltoqsannyń 22-si. QazAqparat /Erlik Erjanuly/ - Almatyda bıyl 6 balabaqsha salyndy. Ony qala ákimi Ahmetjan Esimov búgin Alataý aýdanynyń "Shańyraq-2" yqsham aýdanyndaǵy 280 oryndyq jańa balabaqshanyń ashylý rásiminde aıtty,
dep habarlaıdy QazAqparat.
"Álem Qurylys" JShS merdigerligimen salynǵan balabaqsha nysanynyń aýmaǵy 4009 sharshy metr. Oǵan 692 mıllıon teńge jumsaldy. Qala ákiminiń aıtýynsha, bıyl qalada ashylǵan 6 balabaqshanyń ekeýi Alataý aýdanynda ornalasqan.
"Elbasy 1 aı buryn halyqpen tikeleı efır arqyly suhbattasqan kezde balalardy balabaqshamen qamtamasyz etý máselesin kótergen bolatyn. Bul tapsyrma boıynsha búkil respýblıkada, onyń ishinde Almatyda kóptegen jumystar jasalyp jatyr. Búgin 2 balabaqsha ashyp otyrmyz. Balabaqshalarda búgingi tańda 22 myń balaǵa oryn jetispeıdi. Sondyqtan kelesi jyly 10 myń balaǵa arnalǵan 62 balabaqsha ashylady. Al qalǵan 12 myń oryndy 2011 jyly tolyq sheshemiz", deıdi Almaty ákimi.
