Almatyda 2011 jyly 3140 oryndyq 33 mektepke deıingi bilim mekemelerin ashý josparlanýda -
ALMATY. 27 sáýir. QazAqparat /Názıra Eleýhan/ - Mektepke deıingi mekemelerdegi oryndarǵa degen suranysty azaıtý úshin 2011-2013 jyldarǵa arnalǵan bilim mekemelerin jetildirýdiń baǵdarlamasy jasalyndy.
Osy Baǵdarlama aıasynda 2011 jyly 3140 oryndyq 33 mektepke deıingi bilim mekemelerin ashý josparlanýda. Bul týraly búgin Almatyda ótken qalalyq máslıhatta Almaty qalasy bilim basqarmasynyń bastyǵy Rahat Shımasheva aıtty.
Onyń aıtýynsha, endi mektepke deıingi tárbıe men oqytýdy qamtý 54,7% quraıtyn bolady.
«2010 jyly jáne 2011 jyldyń 1- toqsanynda mektepke deıingi tárbıe berýge jáne oqytýǵa arnalǵan, oryn jetispeýshiligin azaıtýǵa baǵyttalǵan «Balapan» baǵdarlamasyn iske asyrýǵa baılanysty «Uljan», «Darhan», «Dýman» yqsham aýdandarynda 1080 orynǵa arnalǵan 4 balabaqsha salynyp, iske qosyldy (árqaısysy 320 oryndyq, «Kókjıek» - 120 oryndyq), kommýnaldyq menshikke 600 oryndyq 3 balabaqsha qaıtaryldy, sonymen qatar, jumys istep jatqan balabaqshalardan 8 toptyń 200 orny qaıtaryldy, sondaı-aq, 1877 orynǵa arnalǵan 37 jekemenshik balabaqshalar ashyldy»,-dep atap ótti ol.
Ol sonymen qatar, «Balapan» baǵdarlamasyn iske asyrý aıasynda 2010-2011 oqý jylynda 5-6 jastaǵy balalardy mektepaldy daıarlyqtan ótkizetin 110 mekteptiń negizinde 203 toptyq shaǵyn-ortalyqtar ashyldy»,-dedi.
Rahat Shımashevanyń aıtýynsha, balabaqshaǵa 0 den 6 jastaǵy balalar arasynda kezekte turǵandar sany 30 700-di, onyń ishinde 3-ten 6-jasqa deıingiler sany - 15 500 balany quraıdy.
