Almatyda 2011 jylǵy qysqy Azıadanyń barlyq nysandaryn energııamen qamtamasyz etý máselesi talqylandy

Oǵan «Alataý Jaryq Kompanııasy», «AlES» AQ, «KazTransGaz-Almaty» AQ, «Almaty Jylý» MKK, «AlmatyEnergoSbyt» JShS syndy kompanııa basshylary da qatysty.

Jıyn barysynda qala jurtshylyǵy men sport keshenderin, qonaqúılerdi jáne Azıada aıasynda mádenı sharalar ótetin nysandardy gaz, elektr qýatymen jylytýdy úzilissiz qamtamasyz etý máselesi qaraldy.

Ahmetjan Esimov Azıada qarsańynda megapolıste barlyq daıarlyq jumystary júrgiziletinin jáne 2015 jylǵa deıingi Almaty qalasynyń energetıkalyq nysandaryn modernızatsııalaý men damytý baǵdarlamasy aıasynda «Alataý Jaryq Kompanııasy» AQ «QazUÝ», «Medeý», «Shymbulaq» jáne «Ermensaı» syndy 4 jańa modernızatsııalanǵan stansylar paıdalanýǵa berilgendigin basa aıtty. Bul stansylar Azıada nysandaryn qýat kózimen turaqty qamtamasyz etip qana qoımaı, qalanyń ońtústigindegi tutynýshylardy sapaly energııamen jabdyqtaıtyn bolady.

Sońǵy eki jylda Almatydaǵy JEO-1, «Orbıta» jylý qazandyǵy men M3 jáne M13 iri jylý magıstrali qaıta jasaqtalyp, JEO - 2 men JEO-1-di jalǵaǵysh magıstraldarynyń qurylysy aıaqtalǵan.

2010 jyldyń naýryz aıynda Almaty ákimshiligi men «KazTransGaz» AQ qaladaǵy energııa tapshylyǵyn tómendetý maqsatynda Memorandýmǵa qol qoıǵan bolatyn. Sondaı-aq megapolıste jeke turǵyn úılerdi gazdandyrý men qalalyq gaz bólý jelisiniń bólimshelerin qalpyna keltirý jumystary jalǵasýda.

Sonymen qatar qala ákimi 2010 jyldyń jeltoqsan aıynda Ózbekstannan keletin gazdyń úzilisi tirkelgendigin eskertti. Soǵan oraı Ahmetjan Esimov gaz, jylý, elektr qýatymen jabdyqtaýda baqylaýdy kúsheıtýdi tapsyrdy. Sonymen birge quqyq qorǵaý organdaryna ahýaldy baqylap, tıisti qyzmettermen birlesip talqylaý, apatty jaǵdaılardyń aldyn alý úshin barlyq shara qoldaný tapsyryldy.

Qysqy Azııa oıyndaryn ótkizý kezinde qalada ýaqytsha erekshe tártip ornatý jarııalandy.