Almatyda 2011 jylǵy 7-shi qysqy Azııa oıyndaryna arnalǵan halyqaralyq semınar ótedi
sp; ALMATY. Naýryzdyń 26-sy. QazAqparat /Ádilet Musahaev/ - Almatyda naýryz aıynyń 29-31 kúnderi aralyǵynda 2011 jylǵy 7-shi qysqy Azııa oıyndaryna arnalǵan halyqaralyq semınar ótedi. Oǵan 45 Azııa memleketiniń ulttyq olımpıadalyq komıtetteriniń 100-den asa ókili, Azııa olımpıada keńesiniń jáne basqa da sport salasynyń basshylary qatysady. Bul jaıynda búgin ótken baspasóz máslıhatynda 2011 jylǵy 7-shi qysqy Azııa oıyndaryn uıymdastyrý komıtetiniń atqarýshy dırektsııasynyń vıtse-prezıdenti Serik Qulmyrzaev málim etti,
dep habarlaıdy QazAqparat.
S.Qulmyrzaevtyń aıtýynsha, jıyn barysynda uıymdastyrý komıtetiniń jumystary, qalanyń, oıyn nysandarynyń oıynǵa daıyndyqtary qaralyp, syrttan kelgen ókilderdiń oı-pikirleri tyńdalmaq. «Kelgen qonaqtar Almatydaǵy Shymbulaq, Medeý jáne Talǵar aýdanyndaǵy Soldat saıda salynǵan sport keshenderin aralaıtyn bolady. Jańadan salynyp jatqan sport nysandarynyń qurylysy osy jyldyń qazan-qarasha aılarynda bitedi degen málimet bar», deıdi vıtse-prezıdent.
Sondaı-aq ol 30-shy naýryz kúni keshki saǵat 6-da Astana men Almaty qalalarynda keri esepteý tablosynyń ashylý rásimi ótetindigin jetkizdi. Almatydaǵy tablonyń ashylý saltanaty Balýan Sholaq atyndaǵy sport saraıynyń janynda ótedi.
