Almatyda "2011 jyldyń úzdik dene shynyqtyrý pániniń muǵalimi» baıqaýy ótip jatyr
ALMATY. 28 sáýir. QazAqparat /Erlik Erjanuly/ - Búgin "2011 jylǵy Almaty qalasynyń úzdik dene shynyqtyrý pániniń muǵalimi" baıqaýy bastaldy. Ony qalalyq bilim basqarmasy uıymdastyryp otyr.
Sharanyń maqsaty - dene shynyqtyrý jáne sport salasyndaǵy qyzmetkerlerdiń shyǵarmashylyq iskerligin damytý. Dene shynyqtyrý - sport jumystaryn uıymdastyrýda jańa tehnologııalardy qoldaý, qoǵamdaǵy dene shynyqtyrý jáne sporttyń basymdyǵyn bekitý, salaýatty ómir saltyn qalyptastyrý. Oǵan eńbek ótili 3 jyldan kem emes mekteptegi jáne qosymsha bilim berý mekemelerindegi dene shynyqtyrý pániniń muǵalimderi qatysýda. Baıqaýdyń birinshi kezeńinde búgin úmitkerler №148 mektep-gımnazııasynda ashyq sabaqótkizip jatyr. Erteń №110 mektep-gımnazııasyndaǵy 2-3 kezeńniń saıystarynda olar "Ashyq shyǵarmashylyq tusaýkeser» men «Talantyńmen tańqaldyr» synynan ótedi.
