Almatyda 2011-2012 jyldardaǵy jylý maýsymynyń qorytyndysy shyǵaryldy
ALMATY. 18 sáýir. QazAqparat - Almaty qalasynyń ákimi Ahmetjan Esimov búgin 2011-2012 jyldardaǵy jylý maýsymynyń qorytyndysyna qanaǵattanarlyq degen baǵa berdi.
Sondaı-aq quzyrly mekemeler men jaýapty tulǵalarǵa jańa tapsyrmalar júktedi.
QR Indýstrııa jáne jańa tehnologııalar vıtse-mınıstriBaqytjan Jaqsalıevtiń aıtýynsha, bul elimizdiń ońtústik aımaǵyndaǵy ótken jylý maýsymynyń qorytyndylaýǵa arnalǵan alǵashqy shara. Aldaǵy ýaqytta mundaı sharalar ózge óńirlerde de jalǵaspaq. Bul naqty ahýalmen tanysýǵa jáne aldaǵy ýaqytta sheshimin kútken ózekti máselelerdi anyqtaýǵa óz septigin tıgizedi.
A. Esimov otyrys barysynda orynbasary Erbol Shormanovqa aldaǵy jylý maýsymyna daıyndyq shtabyn qurýdy tapsyrdy. Aýdan ákimderine turǵyn-úı qoryn jańa jylý maýsymyna ázirleýdiń kestesin jasap, shtabqa apta saıyn esep berýdi mindettedi. Al kommýnaldyq qyzmet kórsetýshi mekemelerdiń basshylaryna naqty jumys josparyn jasap, debıýterlik qaryzy bar mekemelerge 1 maýsymǵa deıin ony 50 paıyzǵa deıin azaıtýdy tapsyrdy.
