Almatyda 2010 jylǵy memlekettik satyp alý josparynyń tusaýkeseri ótýde
ALMATY. Jeltoqsannyń 7-si. QazAqparat / Ádilet Musahaev / - Búgin Almaty qalasy ákimdiginiń ǵımaratynda «Memlekettik tapsyrys - 2010» jobasy aıasynda jumys bastaldy.
Eki kúnge jalǵasatyn bul sharada qala ákimdiginiń júıelik qurylymdary ózderiniń keler jylǵa arnalǵan memlekettik satyp alý boıynsha josparlary jáne memlekettik mekemeler men kommýnaldy kásiporyndardyń 2010 jylǵa arnalǵan memlekettik satyp alý joparlary usynylady, dep habarlaıdy QazAqparat.
Almaty qalalyq qarjy basqarmasynyń aqparaty boıynsha, 2010 jyldyń naýryz-sáýir aılarynda kólikke qyzmet kórsetý, ıelikti baǵalaý jáne salyq salýǵa 26 mıllıon 864 myń teńgege konkýrs túrinde tenderler ótkizilmek.
2010 jyly qańtar-sáýir aılarynda zań normalarynan tys taýar, kommýnaldy qyzmet kórsetý jumystary, baılanys, elektr qýaty, jylý berý, bank qyzmeti, aýktsıonǵa qatysýshynyń tólem qyzmeti, jeke kommýnaldy múligin tirkeýdiń ınvestıtsııalyq mindetterine 18 mıllıon 457 myń teńgege tendr ótkiziledi.
Baǵa usynystarynyń suranysy boıynsha 2010 jyldyń aqpan-sáýir aılarynda aǵymdaǵy jóndeý jumystaryna jáne qurylǵylarǵa tehnıkalyq qyzmet kórsetý, zań qyzmeti, memlekettik qyzmetkerlerdiń biliktiligin artyrý qyzmetine 10 mıllıon 604 myń teńgege tender ótkiziletin bolady.
