Almatyda «2010 jyldyń úzdik ekologııalyq jobasy» baıqaýy ótkiziledi
ALMATY. Naýryzdyń 2-si. QazAqparat / Ádilet Musahaev / - Almaty qalasynyń ekologııalyq jaǵdaıyn jaqsartý maqsatynda «2010 jyldyń úzdik ekologııalyq jobasy» baıqaýy jarııalanady.
Bul jaıynda Almaty qalasynyń ekologııalyq ahýalyn saýyqtyrý máseleleri jónindegi vedomstvolyq komıssııanyń búgingi otyrysynda aıtyldy, dep habarlaıdy QazAqparat.
Jıyn barysynda - ekologııalyq tárbıe men bilimge baılanysty is-sharalar josparynyń jobasy qarastyrylyp, osy baǵytta júıeli túrde jumys jasaý arqyly ǵana qorshaǵan tabıǵı ortany saqtaý úshin aldyńǵy jáne keıingi urpaqtyń kúshin biriktirý múmkin ekendigi aıtyldy.
Almaty qalasy tabıǵı resýrstar jáne tabıǵatty paıdalanýdy retteý basqarmasy tóraǵasynyń orynbasary Marat Kesikbaevtyń aıtýynsha, qalanyń ekologııalyq jaǵdaıyn jaqsartýda birshama jumystar atqarylýda, biraq jalpy ekologııa máselesinde turǵyndardyń qatysýynsyz úlken nátıjelerge qol jetkizý ońaı emes. «Almaty qalasynda qorshaǵan ortany qorǵaý, ekologııalyq ahýalyn jaqsartýǵa jáne turǵyndardyń ekologııalyq mádenıetin qalyptastyrýǵa yqpal etetin jobalarǵa baǵa berý úshin «2010 jyldyń úzdik ekologııalyq jobasy» baıqaýyn jarııalap otyrmyz», deıdi ol.
Atalmysh baıqaý «Úzdik tabıǵatty qorǵaý jobalary», «Qalany kóriktendirý boıynsha úzdik landshaft sheshimderi» atty baǵytta jáne «Almatynyń kósheleri», «Súıikti aýlam» sııaqty bir qatar atalymdar boıynsha ótkizilmek.
