Almatyda 2010 jyldyń sońyna deıin 200 jalǵa beriletin páter bólinedi
ALMATY. Aqpannyń 16-sy. QazAqparat /Názıra Eleýhan/ - Almatyda 2010 jyldyń sońyna deıin, belgilengen kestege sáıkes, azamattarǵa bólinýge 200 páter túsedi,
dep habarlaıdy QazAqparat Almaty qalalyq qurylys basqarmasyna silteme jasap.
Qurylys qarjylandyrýy, sondaı-aq jaldyq turǵyn úıdi alý - respýblıkalyq qarajat esebinen, 2008-2010 jylǵy QR Memlekettik turǵyn úı qurylysy aıasynda iske asýda.
Jaldyq turǵyn úı ál-aýqaty nashar azamattarǵa, memleket qyzmetkerlerine, bıýdjetti uıymdardyń qyzmetkerlerine, áskerı qyzmetkerlerge, turǵyndardyń áleýmettik qorǵaý bóligine, sondaı-aq memlekettik saılaý jumystarymen aınalysatyn qyzmetkerlerge usynylady.
Búginde, Almatyda bıylǵy jyldyń qańtar aıynyń birinen, jeti aýdan boıynsha, barlyǵy 15 myń januıa esepke turyp úlgergen. Onyń 7 myńy - turǵyndardyń áleýmettik qorǵaý bóligine jatady.
Jalǵa alynǵan páterdiń tólem aqy kólemin jergilikti atqarýshy organdar belgileıtin bolady. Bul jónindegi suraq boıynsha Almaty ákimdiginiń jeke qaýlysy qabyldanady. QR Indýstrııa jáne saýda mınıstrliginiń esebi boıynsha 40 sharshy metr kólemdegi 1 bólmeli páter - 2393 teńge, al 60 sharshy metrli 2 bólmeli páter - 3589 teńgeni quraıdy. Kommýnaldyq qyzmet úshin jalǵa alýshy tólem aqyny jeke tóleıdi.
