Almatyda 201 mektepte sońǵy qońyraý soǵyldy (FOTO)
ALMATY. QazAqparat - Búgin Almaty mektepterinde kezekti oqý jylynyń aıaqtalýyna baılanysty sońǵy qońyraý sharasy ótkizildi. Qala basshysy Baýyrjan Baıbek №83-shi qazaq-orys mektep-gımnazııasynda bolyp, Sońǵy qońyraýǵa qatysty.
«Qurmetti balalar, oqýshylar, mektep túlekteri men olardyń ata-analary! Biz bul mektepke bekerge kelgenimiz joq. Bul bilim ordasynda jalpy bilim berýge arnalǵan pánderden basqa, horegrafııa, sýret óneri jáne mýzyka úıretiledi. ıAǵnı, balalar bilim men eńbektiń, ónerdiń mańyzyn jaqsy túsinedi. Óz basym, adamnyń azamat bolyp qalyptasýyna úsh nárse óte mańyzdy dep sanaımyn. Birinshi kezekte bul - bilim, ekinshi - tárbıe, al úshinshi - eńbek. Bir ǵana darynmen alysqa bara almaısyń. Ol úshin úzdiksiz eńbek etý qajet. Mine osyndaı adamdar jetistikke qol jetkize alady. Sondyqtan, bilim alý jolynda aıanbaı eńbek etińizder. Sizderge tabystar tileımin», - dedi ákim.
Sonymen qatar, qala basshysy bıylǵy túlekterge Biryńǵaı ulttyq testi oıdaǵydaı tapsyrýlaryna tilektestik bildirdi.
Aıta ketelik, almatylyq mektep oqýshylary respýblıkalyq pándik olımpıadalar men ǵylymı jobalar baıqaýlarynda joǵary oryndardan kórinip júr.
Dál qazirgi tańda Almatyda birinshi synyptan onynshy synypqa deıin 201 963 oqýshy oqıdy. Búgin sońǵy qońyraý 201 mektepte soǵyldy.
Al bıyl mektepti 6 773 oqýshy bitiredi.
