Almatyda 2009 jyldyń úzdik sportshylary anyqtaldy
ALMATY. Qańtardyń 6-sy. QazAqparat /Názıra Eleýhan/ - Almaty qalasynyń sport basqarmasy ótken jyldyń eń úzdik on sportshysyn anyqtady,
dep habarlaıdy QazAqparat.
Olar: osydan 11 jyl buryn alǵash ret Álem chempıony atanǵan, nysana kózdeýden elimizdiń ardager sportshysy Natalıa Gýrova; Qazaqstannyń eń úzdik atleti bolyp tanylǵan samboshy Dáýren Jaınaqov; áıelder kúresinde jaqsy tabystarǵa jetken, Azııa chempıonatynda birinshi oryndy jeńip alǵan balýan Tatıana Bokatıýk; sondaı-aq ótken jyly eki medaldi qanjyǵasyna baılaǵan, jas júzgish Artýr Dılman; 198 santımetr bıiktikti baǵyndyrǵan jeńil atlet Ekaterına Evseeva men Sıngapýrda ótken jasóspirimder oıynynyń jeńimpazy, úsh dúrkin sekirýdiń sheberi Konstantın Kýdrıashov; eki ret ǵalamshardyń eń úzdik konkıdi mánerlep syrǵanaýshylarynyń ondyǵyna kirgen Denıs Ten; ótken jyly sý astynda júzýden Álem jáne Eýropa chempıony Elena Papına; Qazaqstan chempıonatynyń júldegeri, Álem kýbogynyń 3-shi oryn ıegeri, boksshy Aıdar Sháribaev jáne QR absolıýtti chempıony, Álem kýbogynyń júldegeri, dzıýdoshy Zarına Ábdirásilova.
