Almatyda 200 kóshege jóndeý júrgiziledi
ALMATY. QazAqparat - Almatyda joldy jóndeý jáne qalpyna keltirý jumystary belsendi júrgizilýde. Osy oraıda bıyl 200 kósheni ortasha jóndeý jáne 250 myń sharshy metr jol jamylǵysyn jańartý josparlanǵan, dep habarlaıdy QazAqparat tilshisi.
Qazirgi kezde 44 kóshede ortasha jol jóndeý jumystary júrgizilýde, onyń ishinde 10 kóshede aıaqtaldy. Qalǵan kóshelerdi mamyr aıynyń aıaǵyna deıin tolyq aıaqtaý josparlanǵan.
Qala joldaryn jóndeý úshin 370 jumys orny quryldy, 33 brıgada men 143 arnaıy tehnıka jumyldyryldy. Qazirgi kezde 66 myń sharshy metrden astam jerde aǵymdaǵy jóndeý jumystary aıaqtaldy, 683 lıýk kóterildi, 520 qýma metr bordıýr tastary retteldi.
Sondaı-aq, Saın-Toraıǵyrov kóshesi, Raıymbek dańǵyly – Rozybakıev kóshelerindegi jolaıyryqtar jóndelip jatyr.
Bulardan ózge, ıAsaýı kóshesinen «Taýsamaly» kentindegi Rysqulov dańǵylyna deıingi aralyqtaǵy Almaty kóshesiniń 1,2 shaqyrymyn rekonstrýktsııalaý júrgizilýde.
Qazirgi ýaqytta turǵyn úılerdi súrý jáne joldy keńeıtý jumystary atqarylýda.
