Almatyda 200-den astam jeke turǵyn úıge jer kóshkini qaýpi tónip tur - «Qazseldenqorǵaý» MM
ALMATY. QazAqparat - Almatyda 200-den astam jeke turǵyn úıge jer kóshkini qaýpi tónip tur. Bul týraly búgin Almatyda jaýyn-shashyn saldaryn joıý jumystaryna baılanysty ótken baspasóz máslıhaty barysynda «Qazseldenqorǵaý» memlekettik mekemesiniń Almaty qalalyq eksplýatatsııalyq basqarmasynyń bastyǵy Rınat Ámirjanov málim etti.
«Almatyda úsh aýdan: Naýryzbaı, Bostandyq jáne Medeý aýdandary, sondaı-aq, «Sulýsaı» men «Kólsaı» yqsham aýdandary, taǵy birqatar saıajaılyq qoǵamdarda ornalasqan saıajaılar jer kóshkini qaýpi tónip tur. Biz qazir turǵyndarǵa 200-den astam habarlama taratyp qoıdyq. ıAǵnı, árbir úıge, aýlaýǵa kirip turǵyndardyń qolyna ustattyq. Bul úılerdiń turǵyndary qaýipti jaǵdaı týyndaǵan jaǵdaıda úılerin tastap shyǵýlary tıis. Bul úshin qajet jaǵdaıda arnaıy oryndar, mysaly, mektepter ázirlenedi», - dedi óz sózinde R. Ámirjanov.
Sonymen qatar, ol 28 sáýirden kúni búginge deıin Almatyda jaýyn-shashyn saldarynan 38 syrǵyma oryn alǵandyǵyn jetkizdi.
«Almatynyń joǵary jaqtarynda aınaldyrǵan 20 shaqty kúnniń ishinde 38 laı kóshkini boldy. Joldarǵa, saılarǵa, úılerge qaraı opyrylyp qulaǵan jer qyrtysynyń kólemi 7 230 tekshe metrdi qurady. Bir jaǵdaıda laı kóshkini Aqsaı ózenine syrǵyp, ózen arnasyn jaýyp qalsa, taǵy bir jaǵdaıda «Sulýsaı» yqsham aýdanyna baratyn jol burynǵy syrǵymanyń ornyna salynǵandyqtan, jaýyn-shashyn saldarynan opyrylyp, túsip ketti. Qazir bul yqsham aýdanǵa adamdar ýaqytsha aınalma jolmen baryp jatyr. Biz qazirgi tańda joldardy, ózenderdi laıdan tazalaý jumystaryn oıdaǵydaı júrgizip jatyrmyz», - dedi R. Ámirjanov.
