Almatyda 200-den astam kásipker keltirilgen shyǵyndar úshin ótemaqy tólemderin aldy
Onyń ishinde 208,3 mln. teńge somasyna 111 ótinim «Jańa Alataý» qaıyrymdylyq qory arqyly qoldaý tapty; 93 kásipkerge 129,1 mln teńge somasynda ótemaqy bıýdjetten tólenetin bolady. Aıta keteıik, komıssııa jumysy bastalǵannan beri barlyǵy 370,3 mln. teńge somasyna 221 ótinim maquldandy.
Qazir komıssııanyń jumysy jalǵasýda. Kásipkerlerdiń ótinimderi usynylǵan qujattardyń tolyqtyǵyna oraı muqııat zerdelenedi jáne komıssııa músheleriniń ashyq daýys berýleri arqyly qaralady.
«Buryndary aımaqtyq komıssııa shyǵyndy óteý tetigindegi kemshilikterdi anyqtap, ony jaqsartý sıpatynda óz usynysyn engizgen bolatyn. Osylaısha, tólemderdiń shekti somasy 5 mln teńgege deıingi jeńildetilgen tetik boıynsha zalaldy óteý tetigi kózdelgen. Bul zardap shekken bıznes sýbektilerin qamtýdy edáýir keńeıtýge jáne ótemaqy tóleýdi jedeldetýge múmkindik beredi. Sondaı-aq, memlekettik bıýdjet qarajatymen qatar qorlardyń jeke qarjysynan tólemder qarastyrylǵan. Ótemaqy tóleý tetigin jetildirý jónindegi jumys jalǵasýda», - dep málim etti ákimdikten.