Almatyda 20 jastaǵy qyzdy qaǵyp ketken júrgizýshi sottaldy
Polıtsııa departamentiniń málmetinshe jol- kólik oqıǵasy bıyl 26 qańtaryn kúni Ótepov kóshesinde boldy.
«Volkswagen Polo» kóliginiń júrgizýshi M.A.Golotovskıı Ótepov kóshesi boıymen batys baǵytta júrip kele jatyp shamamen 21:00-de jol erejesin buzdy. Ol aýa raıynyń qolaısyzdyǵyna mán bermedi. Qajetti qozǵalys jyldamdyǵyn tańdamady. Saldarynan jaıaý júrginshi – 2000 jyly týǵan S.esimdi qyzdy qaǵyp ketti. Soqtyǵysý nátıjesinde dene jaraqatyn alǵan boıjetken Ortalyq qalalyq klınıkalyq aýrýhanaǵa jetkizildi, ol alǵan jaraqattarynan qaıtys boldy, – dedi Almaty qalalyq Polıtsııa departamenti bastyǵynyń orynbasary Rústem Ábdrahmanov.
Sot M.A.Golotovskııdi Qazaqstan Respýblıkasy QK-niń 345-baby 3-bóliminde kózdelgen qylmysty jasaǵany úshin kináli dep tanydy.
Ol 1,6 jylǵa bas bostandyǵynan jáne kólik quraldaryn basqarý quqyǵynan bes jylǵa aıyryldy.
Jazanyń merzimi úkim zańdy kúshine engen kezden bastap esepteledi.