Almatyda 20 zeınetkerge shıpajaıǵa barýǵa joldama berildi (FOTO)

ALMATY. QazAqparat - Búgin Almatyda «Almatynyń 1000 jyldyǵyna - 1000 izgilikti is» jaqsylyq pen meıirimdilik aktsııasy aıasynda G38 jastar uıymy kezekti qaıyrymdylyq sharasyn ótkizdi.

Bul joly 20 zeınetker (olardyń ishinde Uly Otan soǵysynyń ardagerleri de bar) «Qazaqstan» shıpajaıyna joldama aldy.

Olar endi shıpajaıda dárigerlerdiń aqyl-keńesterin alyp, emdik massaj, emdik vanna, Sharko dýshyn qabyldaıdy, mıneraldy sýlary bar basseınge túsedi jáne basqa da saýyqtyrý sharalaryna qatysady.

G38 jastar uıymynyń múshesi Borıs Kýlov bul aktsııanyń «Qazaqstan» shıpajaıy basshylyǵymen birlesip júzege asyrylǵandyǵyn aıtty.

«Shıpajaı 20 tegin joldama berdi. Negizi 10 kúndik bir joldama bul shıpajaıda 110 myń teńge turady. Bul aktsııa budan keıin de jalǵasyn tabady. Stýdentter osylaısha búkil qala turǵyndaryna úlgi bolyp jatyr», - dedi B. Kýlov.

Taıaýda belsendi jastar Instagram áleýmettik jelisinde ózderiniń paraǵyn jasaǵan bolatyn. Qazir onda qaıyrymdylyq sharalary týraly aqparattar turaqty túrde berilip jatyr. Bul paraqshaǵa qazirgi tańda 900 ınternet paıdalanýshy tirkelgen. Olardyń ishinde estrada ánshileri de bar.